Beth rydym yn ei wneud i fyfyrwyr

Rydym yn cynnig gwasanaeth i bob myfyriwr anabl, boed yn fyfyrwyr llawn amser neu ran-amser, israddedigion neu 么l-raddedigion.聽 Rydym yn ystyried gofynion pob unigolyn fesul achos ac yn gweithio o fewn fframwaith polisi cyfrinachedd y brifysgol.

Rhan greiddiol o’n gwasanaeth i fyfyrwyr yw darparu Cynlluniau Cefnogi Dysgu Personol (gweler isod am ragor o wybodaeth), ochr yn ochr 芒’r cyngor a’r arweiniad a gynhigiwn i helpu sicrhau bod myfyrwyr anabl yn gallu cael mynediad at eu cyrsiau a chymryd rhan ynddynt.

Cynlluniau Cefnogi Dysgu Personol

Beth yw Cynllun Cefnogi Dysgu Personol?

Mae Cynlluniau Cefnogi Dysgu Personol yn debyg i'r cynllun dysgu a oedd gennych yn yr ysgol neu'r coleg efallai. Cynlluniau Cefnogi Dysgu Personol yw ein dull o rannu'r addasiadau rhesymol y dylai'r brifysgol eu gwneud i chi. Maent yn ymdrin ag amrywiaeth eang o bethau, er enghraifft amser ychwanegol mewn arholiadau, cael sleidiau a gwybodaeth ymlaen llaw ac addasiadau mewn neuaddau.

Pwy sy’n gymwys?

Gall myfyrwyr sy'n anabl, gan gynnwys rhai 芒 chyflwr iechyd hirdymor, cyflwr iechyd meddwl, Gwahaniaeth Dysgu Penodol, neu sy'n niwroamrywiol fod yn gymwys i gael Cynllun Cefnogi Dysgu Personol.聽 Nid oes angen diagnosis wedi ei gadarnhau arnoch i gael cefnogaeth anabledd ym Mangor.

Sut i gofrestru i gael Cynllun Cefnogi Dysgu Personol:

Gofynnir i chi am rywfaint o wybodaeth ategol. Mae hyn er mwyn ein helpu i ddeall eich anghenion, fel y gallwn gymhwyso'r addasiadau rhesymol sydd fwyaf perthnasol i'ch sefyllfa. Uwch lwythwch y wybodaeth ategol sydd gennych, ac os oes angen rhywbeth arall arnom, byddwn yn trafod hyn gyda chi. Os nad oes gennych unrhyw wybodaeth ategol ar hyn o bryd, cofrestrwch beth bynnag, a byddwn yn cysylltu 芒 chi i gynnig cyngor pellach.

Lwfans Myfyrwyr Anabl

Beth ydyw, a pham y gallai fod o gymorth?

Mae'r Lwfans Myfyrwyr Anabl yn darparu cefnogaeth i fyfyrwyr anabl o’r Deyrnas Unedig, i dalu costau sy'n gysylltiedig ag astudio oherwydd anabledd, gan gynnwys y rhai sydd 芒 chyflwr iechyd hirdymor, cyflwr iechyd meddwl, Gwahaniaeth Dysgu Penodol, neu sy'n niwroamrywiol.

Mae'r gefnogaeth y gall y Lwfans Myfyrwyr Anabl ei darparu wedi ei theilwra i'ch amgylchiadau penodol, a gall ariannu pethau fel offer a meddalwedd arbenigol, cefnogaeth mentora arbenigol, neu gefnogaeth sgiliau astudio un-i-un arbenigol.

Pwy sy’n gymwys?

Gallwch wneud cais am Lwfans Myfyrwyr Anabl os ydych yn fyfyriwr o’r Deyrnas Unedig , megis:

  • gwahaniaeth dysgu penodol, er enghraifft dyslecsia, anhwylder diffyg canolbwyntio a gorfywiogrwydd
  • cyflwr iechyd meddwl, er enghraifft pryder neu iselder
  • anabledd corfforol, er enghraifft os oes rhaid i chi ddefnyddio baglau, cadair olwyn neu fysellfwrdd wedi ei addasu
  • anabledd synhwyraidd, er enghraifft os oes gennych nam ar eich golwg, os ydych yn fyddar neu os oes gennych nam ar y clyw
  • cyflwr iechyd hirdymor, er enghraifft canser, clefyd y crymangelloedd, clefyd cronig y galon neu HIV

Gall myfyrwyr o’r Deyrnas Unedig wneud cais am Lwfans Myfyrwyr Anabl p'un a ydynt yn gwneud cais am gyllid arall i fyfyrwyr ai peidio. Nid yw'r Lwfans Myfyrwyr Anabl yn amodol ar brawf modd.

Mae rhagor o wybodaeth ar gael trwy eich corff ariannu, e.e.

Sut i wneud cais

Os ydych yn fyfyriwr israddedig llawn amser, ac wedi gwneud cais ar-lein am gyllid myfyrwyr, y ffordd symlaf o wneud cais am y Lwfans Myfyrwyr Anabl yw trwy eich cyfrif cyllid myfyrwyr ar-lein.

Dylai'r cais am Lwfans Myfyrwyr Anabl fod ar eich rhestr o bethau i'w gwneud, os dewisoch Lwfans Myfyrwyr Anabl yn eich cais am gymorth arall. Os nad yw, dewiswch 'newid eich amgylchiadau' i wneud cais.

Os ydych yn fyfyriwr rhan-amser neu 么l-radd, neu os nad ydych wedi gwneud cais am gyllid myfyrwyr arall ar-lein, gallwch wneud cais trwy'r ffurflen DSA1.

Os oes angen cymorth arnoch gyda'ch cais am Lwfans Myfyrwyr Anabl, rhowch wybod i ni.

Pecyn Cymorth Autism&Uni

Mae ein newydd yn darparu cyfoeth o wybodaeth ddwyieithog am fywyd myfyrwyr ym Mangor; o sut beth yw’r dosbarthiadau, i'r gefnogaeth rydym yn ei chynnig i fyfyrwyr anabl.

Er bod y pecyn cymorth wedi ei anelu at fyfyrwyr awtistig a niwroamrywiol, mae'n cynnwys mwy o fanylion a all fod yn ddefnyddiol i unrhyw fyfyriwr.

Ethos sylfaenol y pecyn cymorth yw galluogi myfyrwyr ei ddefnyddio yn eu hamser eu hunain, gwneud ymchwil am faterion sy'n bwysig iddynt, a dod yn 么l ato pan fydd anawsterau penodol yn codi.

Am ragor o gyngor ac arweiniad, cysylltwch 芒'r Cynghorwyr Anabledd ar DisabilityAdviser@bangor.ac.uk

Cyngor ac Adnoddau

Cyfeirio

Gall cynghorwyr ym mhob un o'r timau cynghori roi cyngor ar gael mynediad at wasanaethau cefnogi eraill yn y brifysgol, a lle bo'n briodol awgrymu sefydliadau ac asiantaethau perthnasol eraill.

Anhwylderau ac Anafiadau Dros Dro

Gall amryw o addasiadau (e.e. addasiadau i arholiadau) fod yn bosib i fyfyrwyr sydd ag anhwylder neu anaf dros dro. Bydd rhaid i fyfyrwyr gofrestru gyda'r Gwasanaeth Llesiant a Chynwysoldeb a darparu rhywfaint o wybodaeth ategol. Rydym yn eu cynghorir hefyd i gysylltu 芒'u hysgol academaidd i gael arweiniad ar brosesau prifysgol eraill a allai fod yn berthnasol.

Disgwyl am ddiagnosis o awtistiaeth? Gall Cynghorwyr Anabledd gynnig cyngor gan gynnwys:

  • Cyngor ar ddechrau yn y brifysgol; gweler hefyd y ddolen i'r pecyn cymorth awtistiaeth isod.
  • Cyfarfod gyda chynghorydd i drafod materion yn ymwneud 芒 gwaith dosbarth, aseiniadau, cymdeithasu ac agweddau eraill ar fywyd prifysgol.
  • Sut i geisio cyfeiriad at wasanaethau lleol, fel y , am asesiad.
  • Cyngor ar yr amrywiaeth eang o wasanaethau cefnogi ym Mhrifysgol 成人视频 (heb fod yn gysylltiedig ag anabledd yn benodol).

 

 Wedi'i ddiweddaru: Awst 2026