������Ƶ

Edrychwch ar y disgrifyddion isod i werthuso’r lefel ddelfrydol ar gyfer eich gofynion chi. Os nad ydych yn siŵr pa lefel sydd orau i chi, siaradwch gyda’r tiwtor ar y noson cyntaf am gyngor ac arweiniad.

Dechreuwyr (CEFR*: A1) Rydych yn ddechreuwr pur, heb nemor ddim gwybodaeth o’r iaith. Byddwch yn dod yn fedrus mewn amrywiaeth o dasgau iaith syml, mewn sefyllfaoedd bob dydd y gellir eu rhagweld. Bydd y cwrs yn rhoi gwybodaeth sylfaenol iawn o gystrawen a geirfa’r iaith.

Dechreuwyr a mwy (CEFR*: A1+) Efallai y byddwch wedi astudio’r iaith yn yr ysgol ers rhai blynyddoedd neu ddilyn cwrs dechreuwyr. Mae gennych eirfa gyfyngedig iawn a rhywfaint o ddealltwriaeth o’r cystrawennau sylfaenol. Bydd y cwrs yn cyflwyno amseroedd newydd y ferf a’ch helpu i gyfathrebu mewn sefyllfaoedd bob dydd, yn gymdeithasol neu yn y gwaith..

Canolradd (CEFR*: A2) Mae gennych sylfaen resymol yn yr iaith ar lefel ysgol, efallai i lefel-O/TGAU neu gyfwerth. Gellwch ymdrin yn hyderus â’r rhan fwyaf o sefyllfaoedd o ‘raid’. Yn awr, rydych yn awyddus i symud y tu hwnt i ymarfer iaith syml yn unig yn ystod eich gwyliau tramor, a dysgu ymdopi mewn sefyllfaoedd nad ydynt yn codi’n rheolaidd.

Canolradd a mwy (CEFR*: A2+)  Mae gennych sylfaen gadarn yn yr iaith ar lefel ysgol, bron yn sicr i lefel-O/TGAU neu gyfwerth. Gellwch ymdrin yn hyderus â’r rhan fwyaf o sefyllfaoedd cyffredin. Yn awr, rydych yn awyddus i symud y tu hwnt i ymarfer dialogau syml yn unig yn ystod eich gwyliau neu’ch taith dramor ar gyfer eich gwaith, a dysgu ymdopi mewn sefyllfaoedd a chyfrannu at sgyrsiau o ddiddordeb cyffredin.

*CEFR = Fframwaith Cyfeirio Ewropeaidd Cyffredin o ran lefelau iaith.

Deunyddiau a Gwerslyfrau

Mae ein modiwlau yn ei gwneud yn ofynnol i fyfyrwyr brynu gwerslyfr. Cyn gynted ag y byddwch wedi cael eich derbyn ar fodiwl, sicrhewch eich bod yn prynu'r gwerslyfr perthnasol ar gyfer eich lefel.

Dechreuwyr a Dechreuwyr Uwch:

HSK 1 Standard Course ar gyfer Tsieinëeg i Ddechreuwyr:
HSK 1 Standard Course, Jiang Liping (Prif Awdur) a Wang Fang, Wang Feng, a Liu Liping (Awduron), (Beijing Language and Culture University Press).

Canolradd a Chanolradd Uwch

HSK 2 Standard Course ar gyfer Tsieinëeg Ganolradd:
HSK 2 Standard Course, Jiang Liping (Prif Awdur) a Wang Fang, Wang Feng, a Liu Liping (Awduron), (Beijing Language and Culture University Press).

Sylwch: (1) Mae cyrsiau’n cael eu cynnal yn amodol ar niferoedd lleiaf; (2) Mae llawer o ddosbarthiadau’n boblogaidd - gan fod nifer y dosbarthiadau’n gyfyngedig, bydd lleoedd yn cael eu dyrannu ar sail y cyntaf i’r felin. Rydym yn argymell eich bod yn cofrestru cyn gynted â phosibl i osgoi siom; (3) Er bod y Brifysgol yn gwneud pob ymdrech i sicrhau bod y wybodaeth a ddarperir yn gywir, gall yr amserlenni newid