������Ƶ

Bydd y gronfa bwrsariaeth gan Gyngor y Ddinas yn cynnig grantiau o hyd at £1,000 ar gyfer projectau sy'n cyd-fynd yn agos ag amcanion strategol y cyngor.

Bydd galwad am geisiadau yn agor ar 9 Ebrill ac yn cau ar 7 Fai. Bydd y ceisiadau'n cael eu gwerthuso gan banel, gan ystyried pa mor agos y mae'r ymchwil yn cyd-fynd â nodau strategol Cyngor Dinas ������Ƶ. Rhoddir gwybod i ymgeiswyr llwyddiannus erbyn 4Mehefin, 2025.

Mae'r gronfa ar agor i fyfyrwyr israddedig yn eu blwyddyn olaf ond un sy'n symud ymlaen i’w blwyddyn olaf, i fyfyrwyr y drydedd flwyddyn sy'n gweithio ar brojectau eu blwyddyn olaf, ac i fyfyrwyr ôl-radd ar unrhyw gam o'u hymchwil. Yn ogystal â chynnig cefnogaeth ariannol, mae’r cynnig hwn hefyd yn gyfle i ymgeiswyr ymgysylltu â rhanddeiliaid allweddol yn y gymuned leol ac i gyfrannu at ddatblygiad parhaus y ddinas.

Er mwyn cymell ymchwil eithriadol ymhellach, bydd y cais sydd â'r sgôr uchaf yn cael arian cyfatebol ychwanegol gan M-SParc, i gefnogi datblygiad parhaus ymchwil yr ymgeisydd llwyddiannus. Mae gan M-SParc leoliad #AryLôn ar Stryd Fawr ������Ƶ, i hyrwyddo arloesedd, cefnogi’r gwaith o adfywio’r Stryd Fawr, ac annog masnacheiddio syniadau busnes.

Mae’r gronfa bwrsariaeth yn gydweithrediad rhwng Cyngor Dinas ������Ƶ, Prifysgol ������Ƶ (tîm ymgysylltu dinesig), Undeb y Myfyrwyr, ac M-SParc. Gyda’i gilydd, nod y partneriaid hyn yw meithrin perthynas gref rhwng y brifysgol a’r ddinas, gan annog ymchwil sydd o fudd i’r gymuned leol a’r rhanbarth.

Dywedodd Gwenan Hine, Ysgrifennydd y Brifysgol ac Arweinydd Ymgysylltiad Dinesig, “Rydym wrth ein bodd yn lansio Cronfa Bwrsariaeth Cyngor Dinas ������Ƶ, sy’n cynrychioli cyfle cyffrous i’n myfyrwyr a’n hymchwilwyr gymryd rhan mewn projectau ystyrlon sy’n cyfrannu’n uniongyrchol at ddatblygiad ein dinas. Yn ogystal ag atgyfnerthu’r cysylltiad pwysig rhwng Prifysgol ������Ƶ a Chyngor y Ddinas, mae’r fenter hon hefyd yn grymuso myfyrwyr i gymhwyso eu harbenigedd academaidd i heriau'r byd go iawn. Rydym yn ddiolchgar i Gyngor y Ddinas am eu cefnogaeth ariannol i’r fenter hon, ac edrychwn ymlaen at weld y syniadau arloesol a’r ymchwil effeithiol a fydd yn deillio o’r cydweithio hwn.”

Dywedodd Martin Hanks, Cyfarwyddwr Dinas ������Ƶ, “Mae’n bleser mawr bod Cyngor y Ddinas yn cefnogi’r fenter bwrsariaeth hon. Yn ein barn ni, bydd galluogi Cyngor y Ddinas i ddefnyddio gwaith ymchwil sydd gyda’r gorau yn y byd Prifysgol ������Ƶ i'w helpu i wneud ei phenderfyniadau strategol yn amhrisiadwy i ddyfodol ������Ƶ. I’r myfyrwyr, mae’n gyfle i weld eu gwaith academaidd yn cael effaith ar y gymuned leol.

"Ar nodyn personol, rwy'n falch iawn o weld project arall ar y cyd rhwng y brifysgol a Chyngor y Ddinas yn dwyn ffrwyth, a hoffwn ddiolch i bawb o Brifysgol ������Ƶ a gymerodd ran wrth helpu i wireddu hyn.”

Dywedodd Nida Ambreen, Llywydd Undeb Myfyrwyr ������Ƶ, “Mae cynllun Bwrsariaeth Myfyrwyr Cyngor Dinas ������Ƶ yn cynnig cyfle anhygoel i’n myfyrwyr. Hoffwn ddiolch i bawb a gymerodd ran am eu hymdrech ar y cyd i wireddu’r cynllun hwn. Yn Undeb ������Ƶ, rydym yn frwd dros rymuso myfyrwyr a chefnogi eu syniadau arloesol. Mae'r fwrsariaeth hon yn rhoi cyfle i fyfyrwyr gael effaith ystyrlon ar y gymuned wrth symud ymlaen â'u nodau academaidd. Rwy’n annog pob myfyriwr cymwys i wneud cais ac i fanteisio ar y cyfle hwn i lunio dyfodol ������Ƶ.”

Gall myfyrwyr ddarganfod y ffurflen gais .