������Ƶ

Roedd y digwyddiad deuddydd, a drefnwyd gan Gyngor Dinas ������Ƶ a Phrifysgol ������Ƶ mewn partneriaeth â sefydliadau lleol, yn cynnig rhaglen lawn o sgyrsiau, teithiau, gweithdai ac arddangosfeydd am orffennol cyfoethog y ddinas a'i chyfraniad at hanes Cymru.

Dechreuodd yr ŵyl ddydd Gwener gyda digwyddiadau i ysgolion lleol, a ddenodd dros 300 o ddisgyblion cynradd a 100 o fyfyrwyr o ysgolion uwchradd i sesiynau hanes rhyngweithiol. Arweiniodd Greg Jenner, y darlledwr a’r hanesydd cyhoeddus, sgyrsiau poblogaidd  yn adeilad Pontio ar Gymru a Phrydain yn y cyfnod Rhufeinig, tra cynhaliodd Ysgol Hanes Prifysgol ������Ƶ weithdy o’r enw “Arwyr Lleol?” a oedd yn annog myfyrwyr i drafod ffigurau o orffennol gogledd Cymru. Yn y cyfamser, cynhaliwyd gweithdy ychwanegol yn Storiel i fyfyrwyr o Ysgol Friars ac Ysgol Tryfan.

Nos Wener, daeth dros 220 o bobl i Theatr Bryn Terfel yn adeilad Pontio ar gyfer sesiwn “Gofynnwch i Hanesydd” gyda Greg Jenner, a chafwyd trafodaeth fywiog a doniol am droeon rhyfedd hanes.

Roedd yr ŵyl yn ei hanterth ddydd Sadwrn, pan ddaeth tua 900 o bobl i gyd i 21 sesiwn a gynhaliwyd yn adeilad Pontio, Eglwys Gadeiriol ������Ƶ a Phrif Adeilad y Celfyddydau yn y brifysgol. Roedd y diwrnod yn cynnwys sgyrsiau, trafodaethau panel a chyflwyniadau ar bynciau oedd yn amrywio o dreftadaeth leol a ������Ƶ yn yr Oesoedd Canol i hanes merched Cymru, hanes Iddewon ������Ƶ, hanes llongddrylliadau lleol a llunio gogledd Cymru.

Ymunodd dros 120 o gyfranogwyr â theithiau cerdded tywys o ganol dinas ������Ƶ, Prif Adeilad y Celfyddydau, a chasgliadau'r brifysgol, gan ddarganfod haenau o hanes lleol yng nghanol y ddinas. Denodd y stondinau rhyngweithiol yn adeilad Pontio ac arddangosfa’r Archifau niferoedd mawr o ymwelwyr trwy gydol y dydd, tra bod dros 200 o ymwelwyr wedi ymweld â’r arddangosfeydd a gweithdai’r ŵyl yn Storiel.

Daeth yr ŵyl i ben nos Sadwrn gyda chynulleidfa o tua 250 yn gwrando ar gyflwyniad yr hanesydd a’r darlledwraig yr Athro Kate Williams ar “Queens, Castles, and Welsh Heroines”, gan ddathlu gwydnwch a dylanwad merched yn hanes Cymru a Phrydain.

Dywedodd Is-ganghellor Prifysgol ������Ƶ, Yr Athro Edmund Burke,

“Roedden ni’n falch dros ben gyda’r ymateb. Dangosodd yr ŵyl pa mor ddwfn yw diddordeb pobl yn hanes ������Ƶ, o'i gwreiddiau hynafol i'w hunaniaeth fodern. Roedd gweld cymaint o deuluoedd, myfyrwyr ac ymwelwyr yn dod at ei gilydd i ddathlu ein treftadaeth yn wirioneddol arbennig.”

Ychwanegodd Dr Martin Hanks, Cyfarwyddwr Dinas ������Ƶ,

“Mae Gŵyl Hanes ������Ƶ wedi bod yn enghraifft wych o gydweithio rhwng y brifysgol, Cyngor Dinas ������Ƶ a Chyngor Gwynedd, ac rydyn ni wedi cydweithio i ddathlu a hyrwyddo stori ryfeddol y ddinas sydd wedi para ers dros 1,500 o flynyddoedd. Roedd yn wych gweld cymaint o bobl yn ymgysylltu â threftadaeth ������Ƶ, yn drigolion lleol ac yn ymwelwyr. Mae'r dull partneriaeth hwn yn dangos beth allwn ei gyflawni pan fydd ein sefydliadau a'n cymunedau'n dod at ei gilydd.”

Mae Gŵyl Hanes ������Ƶ wedi cael ei chanmol fel llwyddiant ysgubol, gan dynnu sylw at bwysigrwydd parhaol etifeddiaeth 1,500 o flynyddoedd y ddinas a bywiogrwydd ei chymuned heddiw.