������Ƶ

Bydd y fwrsari yn darparu cymorth ariannol yn ystod gradd Heather ac yn adlewyrchu ymrwymiad parhaus yr Ysgol i ehangu cyfranogiad a chreu cyfleoedd effeithiol i alluogi myfyrwyr i lwyddo. 

Bydd bwrsari Sefydliad y Cyfrifwyr Siartredig yng Nghymru a Lloegr (ICAEW) yn darparu cymorth ariannol a phroffesiynol i helpu'r myfyriwr i ymgysylltu'n llawn â'i astudiaethau yn Ysgol Fusnes Albert Guaby, gan leihau'r pwysau ariannol a'i alluogi i ganolbwyntio ar lwyddiant academaidd a datblygiad gyrfa. Mae hefyd yn cynnig cyfleoedd gwerthfawr ar gyfer mentora a chyswllt â'r diwydiant, gan gefnogi dilyniant tuag at yrfa broffesiynol mewn cyfrifeg.

Dywedodd Yr Athro Bruce Vanstone, Pennaeth yr Ysgol:

“Rydym yn ddiolchgar i’r Sefydliad Cyfrifwyr am ddarparu’r bwrsari hwn. Mae'n gydnabyddiaeth o gryfder ein perthynas hirdymor gyda’r Sefydliad Cyfrifwyr a'n hymrwymiad cyffredin i gefnogi llwyddiant myfyrwyr.”

Rhannodd Heather Bunce Harrington, a dderbyniodd y bwrsari, effaith y wobr: “Mae derbyn y bwrsari hwn yn golygu llawer i mi. Mae'n lleddfu pryderon ariannol yn ystod fy ngradd ac yn caniatáu i mi ganolbwyntio ar fy astudiaethau. Rwy'n teimlo fy mod yn cael fy nghefnogi a'm cymell ymhellach i ddilyn gyrfa mewn cyfrifeg. Rwy'n ddiolchgar iawn i Ysgol Albert Gubay a’r Sefydliad Cyfrifwyr am y cyfle hwn ac am gredu yn fy mhotensial i lwyddo.”

Dywedodd Riaz Anwar, Uwch Ddarlithydd mewn Cyfrifeg a Chyfarwyddwr Allgymorth ac Ymgysylltu: “Rydym ni wrth ein bodd yn cydweithio a’r Sefydliad Cyfrifwyr i greu cyfleoedd ystyrlon sy’n cefnogi uchelgeisiau a gyrfaoedd ein myfyrwyr yn y dyfodol. Mae'r bwrsari hwn yn enghraifft gref o sut y gall gwaith allgymorth penodol gael effaith wirioneddol a pharhaol.”

Nid yn unig y mae'r bwrsari yn darparu cefnogaeth ariannol werthfawr ond mae hefyd yn adlewyrchu cryfder cynyddol partneriaethau allanol yr Ysgol Fusnes, gan atgyfnerthu ei swyddogaeth wrth gysylltu myfyrwyr â llwybrau proffesiynol a gwella eu rhagolygon gyrfa.

Darganfyddwch fwy am astudio Cyfrifeg a Chyllid ym Mhrifysgol ������Ƶ a gweld ble y gall fynd â chi.